Ipar kaleko Lukas ardotegiak Moi Ruiz de Azua gasteiztarraren Hormetatik argazki erakusketa jarri berri du. Argazkilariaren proposamen berria Espresio trantsitorioak proiektuaren jarraipena da, non espazio publikoetan jartzen duen arreta bere adierazpide artistikoari askatasuna emateko.
Hormak eta harresiak, iragarkien, aldarrikapenen edota arterako espazioen euskarri gisa, eta horiek denak eztabaidarako erreminta bailitzan. Ruiz de Azuaren argazkigintzak iragankorrak izan daitezken une horiek erretratatzea du oinarri, eta, bide batez, aztarna horietara bidaiatzeko gonbita egiten du.
Lukas ardotegian zintzilikatu dituen argazkiak aluminiozko xaflatan daude inprimatuta. Teknika horren bitartez, errealismo handiagoa ematen dio erretratuari.