Nadia Erostarbe surflari zarauztarrak matematikoki lortu txartela datorren denboraldian CS Challenger Series zirkuituan aritzeko. Denboraldi honetan ere lehiatu ditu hainbat proba, baina gonbidatuta edo hutsik geratutako plazak baliatuta egin behar izan du. Hala, 2024an proba guztiak jokatu ahalko ditu.
Gainera, sari potoloagoa eskuratzeko aukerak ere baditu oraindik; izan ere, munduko surflari onenak biltzen dituen CT Championship Tourrerako sailkatu liteke. Horretarako, ordea, egunotan Rio de Janeiron (Brasil) jokatzen ari den Corona Saquarema Pro txapelketa irabazi beharko luke eta ez du erraza izango, maila handiko surflariak ari baitira parte hartzen. Nolanahi ere, zarauztarrak dagoeneko lortu du final laurdenetara sailkatzea, eta, ondorioz, txapelketako bosgarren postua ziurtatzea. Txapelketan aurrera egiten jarraitzeko India Robinson australiarra gainditu beharko du Erostarbek. Jada CTera sailkatzea lortu duen surflarietako bat da Robinson.
Adur Amatriainek ere hartu du parte Corona Saquarema Pro txapelketan, baina lehenengo kanporaketan kaleratu zuten. Hala, 73. postua lortu du.