Zarautz Palestinarekin herri ekimenak deituta, "Israelgo estatua Palestinaren aurka egiten ari den genozidioa salatzeko" mobilizazioa egingo dute gaur, 19:00etan, Lege Zaharren Enparantzan.
Herriko bi alderdik eta beste hainbat eragilek azaldu dute jada beren atxikimendua. Edonola ere, atxikimendua adierazteko aukera zabalik dagoela oraindik ere, palestinarekin@ni.eus posta elektronikora mezua bidalita.
Halaber, mobilizaziora deitzeko testua ere zabaldu dute hainbat hizkuntzatan. Bertan Nazio Batuei egin diote dei zuzena, eta berehala esku hartu dezan eskatzen diote; izan ere, haien esanetan, "historiako genozidio anker eta basatienetakoa ikusten ari gara egun hauetan Gazan".