Arkaitz Mendi eta Galeperra elkarteek antolatuta, Kortxozko Arrantza Lehiaketaren 50. edizioa jokatuko dute datorren astean. Urriaren 28an, larunbata, jokatuko dute zehazki 09:00etatik 19:00etara eta parte hartzeko nahitaezkoa da ur azaleko itsasoko jolas arrantzako baimena izatea eta erakustea.
Antolatzaileek zehaztu dutenez, izen ematea egunean bertan egin beharko da txapelketa hasi aurretik 08:00etatik 09:00etara eta 10 euro balioko ditu. Dena den, afaria inskripzioaren barruan sartuko da. Horrez gain, zehaztu dute arrantzatutako pieza guztiak antolatzaileentzat izango direla.