Arkamurka Natura elkarteak antolatuta, 44. Natur Astea egingo dute bihartik datorren igandea bitartean. Bost jarduera prestatu dituzte, orotara, hitzaldiak gehienak, eta natur zientzia dibulgatzea eta ingurumenarekiko kontzientzian eragitea izango dute xede nagusi.
Zehaztu dutenez, euskaraz izango dira saio gehienak eta perritxekoen erakusketa ere ez da faltako, aurten onddoak protagonista izango direlarik. Hauxe da egitaraua:
- Urriak 16, astelehena
19:45. Hitzaldia: Mikologia: San Anton, FUNGI monton. Arkamurkako eta Arzazadi zientzia elkarteko bazkidea den Josepo Torres mikologoak emango du, euskaraz, elkartearen egoitzan. - Urriak 17, asteartea
19:45. Hitzaldia: Landareen ugalketaren eboluzioa, lehorraldearen konkistako gakoa. Arkamurkako bazkidea den Martxel Aizpurua botanikariak emango du, euskaraz, elkartearen egoitzan. - Urriak 18, asteazkena
19:45. Hitzaldia: Alergia al polen. Sestaoko Natur Zientzietako elkartearen bazkidea den Javier Elorza pediatrak emango du, gaztelaniaz, Arkamurka elkartearen egoitzan. - Urriak 19, osteguna
19:00. Hitzaldia: Polinizazio entomofiloa, intsektu bidezkoa. Gipuzkoako Entomologia Elkarteko bazkidea den eta Entomologian doktorea den Santiago Pagolak emango du, euskaraz, Modelo aretoan. - Urriak 22, igandea
11:00-14:00 / 16:00-19:30. Erakusketak, Merkatu Plazan.
Beheko solairuan: Onddoek ingurumenean duten garrantzia
Lehenengo solairuan: Polinizazioa: intsektuen garrantzia