Senior, jubenil eta kadete mailako Eskubaloiko Euskal Kopako finalak jokatu zituzten atzo Aritzbatalde kiroldegian eta Lizardiko kirol aretoan, sei partida, orotara. Hori horrela, jende andana gerturatu zen Gipuzkoako nahiz Bizkaiko hainbat tokotatik haien talde kuttunak animatzeko.
Parte hartzaileen artean etxeko ordezkaririk ere izan zen; izan ere, etxeko taldeak, ZKE Zarautz Kirol Elkarteak senior mailako bi finalak jokatu zituen; gizonezkoena eta emakumezkoena, alegia. Lehenengoa irabazi egin zuen gol bateko alde eskasagatik; bigarrena, ordea, galdu egin zuen bederatzi goleko aldeaz.
- Kadete neskak: Kukullaga Etxebarri - Ermuko Errotabarri. 23-31
- Kadete mutilak. CD Bidasoa - Club Balonmano Barakaldo. 38-32
- Jubenil neskak. Orio Eskubaloia - Basauri Eskubaloi Taldea. 27-16
- Jubenil mutilak. CD Bidasoa - Ereintza. 30-37
- Senior emakumezkoak. ZKE - Berabera. 17-26
- Senior gizonezkoak. ZKE - Usurbil. 25-24
