Datozen egunetan, asteburu luze honetako zubian, irteera gidatuak antolatu dituzte Zarauzko Eraztun Berde Urdinera. Hain justu ere, zirkuituaren hiru ibilbideetan egin ahal izango dira irteerak: Hezeguneen ibilbidean (Irita-Asti-Buztinzuri), Iñurritzako ibilbidean eta Arkamurka ibilbidean.
Zarauzko altxor naturalak ezagutzeko, hauen balioaz eta zaintzeko beharraz jabetzeko eta udazkenaz gozatzeko aukera paregabea dela zehaztu du udalak.
Irteerak urriaren 12an eta 14ean izango dira, ostegunean eta larunbatean, eta doakoak diren arren, aurrez izena eman beharko da Turismo Bulegoan, 943-83 09 90 telefono zenbakira deituta edo turismoa@zarautz.eus posta elektronikora deituta.