Zarauzko Udalak kale garbiketa zerbitzua indartzeko lanean jarraitzen du. Joan den udan, %100 propultsio elektrikoko eta emisio maila baxuko garbiketa flota aurkeztu ondoren, zerbitzua osatuko duten bi makina berri eskuratu ditu Udalak.
Alde batetik, laugarren xurgapen-garbigailu autopropultsatua eskuratu du eta, bestetik, herri guztiko espaloien sakoneko garbiketa egitera bideratuko duten ibilgailu ureztatzaile bat. Aipatutako bigarren ibilgailua Aritzbatalde auzoan zehar ibili da egunotan, bertako espaloi eta pasealekuen sakoneko garbiketa egiten, baina erakundeak jakinarazi du hurrengo asteetan Zarauzko gainontzeko auzoetara zabalduko dela garbiketa.