Eutanasia Euskadin, aukeratzeko askatasuna sufrimendu onartezinean: Eutanasiaren legearen balantzea Euskadin hitzaldia eskainiko du Itsaso Bengoetxea mediku bilbotarrak etzi 19:30ean Antoniano aretoan. ZarautzOn elkarteak antolatu du saioa Zarautz Herri Zaintzailearekin elkarlanean, eta, besteak beste, baliagarri izango da sufrimenduari aurre osasun-laguntzaz eta heriotza aurreratzeko nahiaz hausnartzeko, eta, Euskadin hiltzeko laguntza medikoaren bi urteko ibilbidea aztertzeko.
Hizlariari lotuta, antolatzaileek zehaztu dute Euskadiko eutanasiaren berme eta ebaluazio batzordeko burua dela Bengoetxea. Horrez gain, etxeko ospitalizazioko mediku gisa egiten du lan Bengoetxea Osakidetzako Zainketa Aringarrien Arloan, eta Deustuko Unibertsitateko Medikuntza graduko irakaslea ere bada.