Bermeoko Urdaibairekin Liga eta Kontxa irabaztearekin nahikoa ez, eta Eusko Label Ligako Caixabank Patroi Onenaren saria jasoko du bihar Gorka Aranberri patroi zarauztarrak Bermeon. Lehen aldiz jasoko du garaikurra biharkoan zarauztarrak, sailkapenean 138 puntu eskuratu ondoren.
Bigarren eta hirugarren geratu dira, hurrenez hurren, Ioseba Amunarriz Hondarribiako patroia (118 punturekin), eta Unax Eizagirre Getariako patroia (99 punturekin). Nesketan, Nerea Perez Donostiarrako patroiak jasoko du Patroi Onenaren Saria.