Bihar, irailaren 21a, Alzheimerraren Nazioarteko Eguna dela eta, Afagi elkarteko Zarauzko ordezkaritzak udal kiroldegia argiztatuko du, 20:00etatik 00:00etara. Era berean, bi informazio-mahai jarriko dira ostiral goizean, 10:00etatik 13:00etara; bata, Zigordia kalean, eta bestea, berriz, Musika Plazan.
Era berean, datorren larunbatean, irailaren 23an, 12:00etan, Donostiako Kontxa pasealekuan egingo den X. Giza Kale Solidarioan parte hartzera animatzen ditugu herritarrak, Alzheimerraren gaixotasunaren garrantzia aldarrikatzeko.