ZKE irristaketa taldeak ate irekiak egingo ditu bihar eta asteazkenean. Bertan, haurrek eta helduek kirol hori probatzeko aukera izango dute, gero izena emateko aukerarekin.
Bi egunetan, 17:00etatik 18:00etara 6,7 eta 8 urteko gaztetxoek izango dute aukera kirola probatzeko; 18:00etatik 19:00etara, berriz, 9, 10, 11, 12, 13 eta 14 urtekoek, eta 19:00etatik 20:00etara, helduen txanda izango da. Izen emateak zkeirristaketa@gmail.com helbidearen bidez egin beharko direla adierazi dute antolatzaileek.