Ikasturte hasierarekin batera, Zarautz Abesbatzak bertan parte hartu nahi duten gaztetxoentzat izena emateko epea irekiko du. Astelehenean izango da hori, eta horretarako, interesa dutenek abesbatza.zarautz@gmail.com helbidera idatzi beharko dute, gaztetxoen adina eta telefonoa zehaztuta. Abesbatzako arduradunen hitzetan, beraiek jarriko dira "berehala" harremanetan familiekin.
Abesbatzako kideek azaldu dutenez, Txinpirin abesbatzako entseguak (LH2-LH5) ostiraletan izango dira, 18:00etatik 19:00etara. Zarazte abesbatzarenak (LH6- 21 urte), berriz, astelehenetan eta asteazkenetan izango dira, 19:30etik 20:30era.
Bestalde, gaur arratsaldean Salbea abestuko du Frantziskotarren elizan helduen abesbatzak.