Zarauzko Hiribusak, Euskal Asteari amaiera eman ondoren, neguan zehar jarraitzen duen ordutegia eta ibilbidea egingo du berriro.
Aldaketa honen baitan, udan zehar egin izan den kanpinerako bidea egiteari utziko dio hiribusak eta, horren ordez, ikastetxeetara eta Abendañoko industrialdera emandako zerbitzua indartuko da.
Horrenbestez, geltokietako markesinetan agertzen diren ordutegiak aldatuko dira eta www.zarauzkohiribusa.org web orrian ere eskuragarri izango dituzte herritarrek ordutegi berriak.