Konrado Mugertzak Photomuseumean duen aldi baterako erakusketaren sortze prozesua azalduko du arratsaldean. Photomuseumek sustatutako eta Zarauzko Udalak babestutako Aula/Gela kulturaren difusiorako programaren barruan sortua izan da proiektua. Horrez gainera, erakusketaren aurkezpena baliatuko du Zura eta Ura katalogoa aurkezteko.
Proiektua argazkiz eta idatziz osaturiko gogoetaren emaitza da; ontzien eraikuntzan material sintetikoek egurra ordezteak ekarri duen kolorearen eta identitatearen galera deskribatzen du.
Hitzaldia eta liburuaren aurkezpena 18:00etan izango dira, Photomuseumean, eta sarrera doakoa izango da.
