Aurtengo denboraldiari begira, Gesalaga Okelan Zarautz Rugby Taldeak bi jokalari fitxatu ditu taldea sendotzeko: Facundo Sola eta Francisco Uriarte. Biak ala biak argentinarrak dira eta jada taldearekin ari dira entrenatzen. Sola Argentinako Cordoba Athletic klubetik dator eta hirugarren lerroan jokatzen du. Uriarte, berriz, Argentinako La Plata klubetik, eta pilier moduan jokatzen du.
Zarautz Rugby Taldeak gertu izan zuen joan den denboraldian Ohorezko Mailara igotzeko finala. Aurten ere bide beretik jarraitu nahi dute lanean, iazko bolada onari segida eman nahian, eta fitxaketa berriak horretara datoz.