Ostegunean hasi zen Zarauzko aurtengo Stock Azoka Murkil Merkatari Elkarteak antolatuta. Lau egun eta gero, ordea, gaur amaituko da beherapenez betetako ekimena.
Asko izan dira etxera poltsa bat baino gehiagorekin joan diren herritarrak, eta gaur izango dute horiek pagotxak aprobetxatzeko azken eguna. Hain zuzen, 11:00etatik 21:00etara egongo dira malekoian hurrengo dendak: Vulcano, Garmen, Faylinn, Josune Moda, Urzelai, Noah´s Secret, JM Jostailuak, May Estetika, Emeberhiru, Roimi eta 310.