Kultur hedapenerako Aula programaren barruan, Iraultza zibernetikoa zineman zikloaren bosgarren saioa eskainiko dute gaur Photomuseumen, 18:00etan hasita. Ohi bezala, doakoa izango da saioa.
"Ohituta gaude zineman kontatutako istorioetan robotek kontzientzia propioa hartzean, mundua konkistatzen eta gizakiak desagerrarazten saiatzen direla ikusten, gizakiak mehatxu gisa ikusten dituztelako", azaldu dute saioaren antolatzaileek. Kasu honetan, beste egoera bat landu nahi izan dute antolatzaileek, hain zuzen, gizakiak roboten produktu diren etorkizun hipotetikoa. Hori dela eta, Grant Sputore australiarrak zuzendutako I am mother (2019) lana ikusiko dute gaurkoan.