Bihartik hasita eta igandera arte Stock Azoka egingo dute Murkil Merkataritza Elkarteko hainbat dendek. Urtero bezala, malekoian egingo dute azoka, eta 11:00etatik 21:00etara egongo da zabalik herritarrentzat.
Galtxagorri elkartearen ondoan egongo dira dendak prezio bereziz betetako gauzekin: arropa, osagarriak, jostailuak, oinetakoak, estetika produktuak... Hain zuzen, Vulcano, Garmen, Faylinn, Josune Moda, Urzelai, Noah´s Secret, JM Jostailuak, May Estetika, Emeberhiru, Roimi eta 310 izango dira maleikoian. Gainera, David & Nikok, Itziar Oregik, Kaioak eta Transitek ere parte hartuko dute azokan, baina horiek beraien denda parean jarriko dituzte eskaintzak, ohiko ordutegian.