Astelehenenean hasi zen Zarauzko Aste Nagusia eta egunero izan dute herritarrek eta bisitariek makina bat kontzertu eta su artifizialez gozatzeko aukera. Aste osoan zehar, iluntze-gau partean, musika izan da protagonista malekoian eta Musika Plazan; oholtzara igo dira, besteak beste, Su Ta Gar, Bulego, Zetak, Mago de Oz eta Puro Relajo taldeak.
Halaber, gaur gauean emango diete amaiera jaiei, eta ezin hobeto bukatzeko, etxeko taldea igoko da oholtza gainera: Leize rock taldea, hain zuzen ere. Malekoian eskainiko dute kontzertua, 23:00etan.