Musika zaleek erritmo indartsuez gozatzeko aukera izango dute igandean 2000etatik aurrera Hiruputzu gaztetxean; izan ere, bi kontzertu antolatu ditu Zarata Zarautz kolektiboak. Zehazki, Mess eta Chuleria, Joder! taldeak izango dira oholtza gainera igoko direnak
Antolatzaileek jakinarazi dutenez, Mess Mexikotik etorriko da eta Europan abiatu duen hilabeteko bira baliatuko du Zarautzen geldialdia egiteko. Punk oi! musika da mexikarrek egiten dutena eta bost disko kaleratu dituzte orotara, azkena, uztaila amaieran: Under Attack. Chuleria, Joder! taldea, berriz, Bilbokoa da.