Ostegun arratsaldean zabaldu zuen Zarauzko Udalak Iñigo Ormazabal margolari zarauztarraren omenez prestatutako bigarren erakusketa, honako hau Torre Luzean. Bertan izan ziren Ormazabal zenaren senitartekoak, eta udalaren izenean, Irune Urbieta Kultura zinegotzia.
Aurreneko erakusketa, azpimarragarriena, Sanz Enea kultur etxean dago ikusgai uztailaren 13tik irailaren 24ra arte.
Torre Luzeako erakusketa, berriz, irailaren 17ra arte egongo da ikusgai, eta egunero egongo da zabalik aretoa, 18:00etatik 20:00etara.
Udalak erakusketei buruzko katalogoa argitaratu du, Anjel Lertxundi idazle zarauztarraren hitzaurrearekin, eta hemen dago eskuragarri, baita erakusketa aretoetan ere, euskarri fisikoan.