Oriamendiren eta Zarauzko Udalak antolatuta, Jai Alai Zarautz erremonte txapelketa jokatuko dute asteburu honetan bigarren urtez. Gaur eta bihar finalaurrekoak jokatuko dituzte Aritzbatalde pilotalekuan, eta bihar finalak; jardunaldi guztiak 18:00etan hasiko dira.
Jardunaldi bakoitzean bina partida ikusiko dituzte zaleek, eta sarrerak eskuratzeko bi modu izango dituzte: leihatilan bertan bost euroan eros ditzakete, edo Turismo Bulegoan gonbidapenak hartu. Azken horiek doakoak dira, eta pertsona bakoitzak lauzpabost hartu ahal izango du, egun bakarrerako nahiz saio guztietarako.
EGITARAUA
Uztailak 28, ostirala. Finalaurrekoak
- B taldea: Goikoetxea V.a-Apezetxea vs. Zaldua II.a-Zaldua I.a
- A taldea: Urriza-Juanenea vs. Segurola-Azpiroz
Uztailak 29, larunbata. Finalaurrekoak
- B taldea: Loitegi-Martirena vs. Urrutia II.a-Zubiri
- A taldea: Ansa II.a-Larrañaga vs. Aldabe-Barrenetxea IV.a
Uztailak 30, igandea. Finalak
- B taldeko finala
- A taldeko finala