Zarauzko XXV. Astronomia Astea maiatzean ospatu zuten, eta aldi hartarako aurreikusita zuten Girgilaoko behatokira (Nafarroa) bisita bertan behera utzi Behar izan zuten eguraldiagatik. Oraina, Arkamurka natura elkarteak data berria jarri du irteerarako, eta datorren uztailak 21erako jarri du hitzordua, 17.00etatik 02.00etara.
Irteeran parte hartu nahi duenak astronomiaark@gmail.com posta elektronikora idatzi behar du eta bere telefono mugikorraren zenbakia eman. Horretarako azken eguna datorren astelehena izango da, uztailaren 17a. Inskripzioak 20 euro balio du eta eskura ordaindu beharko da. Egitasmoak aurrera egiteko gutxienez hamabost lagunek eman beharko dute izena.