Emakumeen XV. Pala Txapelketako final laurdenetako bi partida jokatu ziren atzokoan, Frontoi Txikin. Hain zuzen ere, Amaia Aizpuru eta Iratxe Astigarraga, Jone Iruretagoiena eta Ane Arozenaren kontra, eta Karmele Martinez eta Haizea Goikoetxea, Leire Mendizabal eta Idoia Zabalaren aurka jokatu zuten.
Lehenengo partida irabazi zuten Amaia Aizpuru eta Iratxe Astigarragak, 30-10 markagailuarekin. Bigarren partidan, berriz, lehia estua izan zen, Kamele Martinez eta Haizea Goikoetxeak irabazi zuten, puntu bateko aldearekin, 30-29 emaitzarekin, partida ikusgarri bezain borrokatua jokatu ostean.
Finalerdiak, hilaren 18an
Hilaren 18an, asteartearekin, jokatuko dira finalerdiak, 18:30ean hasita, Frontoi Txikin. Honakoak izango dira bi partidak:
- Saioa Iraola-Maialen Manterola vs. Lorea Laburu-Miren Lertxundi
- Amaia Aizpuru-Iratxe Astigarraga vs Karmele Martinez-Haizea Goikoetxea