Zezen puzgarrien kalejiraren ondoren, ostegun honetan jada Villa Manuelako frontoian abiatuko da Udako Antzerkia Familian egitasmoa. EQM Teatroak Antipasti izeneko ikuskizuna eskainiko du, 19:00etatik aurrera, adin guztietako haurren gozagarri.
Italiako jatetxe bitxia bat da Antipasti, Marcelo Mascarpone sukaldariak eta Pepino Pepperoni laguntzaileak gidatzen dutena. Zirkua eta magia uztartzen duen ikuskizuna eskainiko dute bien artean: malabareak barazkiekin, orekak pizza-mendiekin, magia zenbakiak janariarekin, ikusleen parte-hartzea… Hori guztia, umore handiz eta italiar musikaz girotuta.