Euskal Herriko futbol talde profesionalen arteko partida jokatuko da uda honetan ere Astin. Eibarrek eta Real Unionek neurtuko dituzte indarrak datorren larunbatean 11:30ean eta 2023-2024 denboraldia prestatzeko lehenengo partida izango da bi taldeentzat.
Armaginek bigarren mailan jokatuko dute hirugarren denboraldiz jarraian mailaz igotzeko helburuarekin. Irungo taldea, bestalde, maila bat beherago ariko da, Espainiako Futbol federazioko lehenengo mailan.
Partida ikusteko sarrerak partida egunean bertan jarriko ditu Zarauzko Kirol Elkarteko Futboleko saila Astin eta 8 euroko prezioa izango dute helduentzat. 18 urtetik beherako gazteek, berriz, dohain ikusi ahalko dute partida.