Julius Dassin errusiar-judu jatorriko estatubatuar zinegilea izango da Photomuseumeko Gela programaren gaurko saioko protagonista. Zentzu horretan, zehaztu behar da hainbat esparrutan jorratu zuela ikus-entzunezko artea, izan ere, zuzendari ez ezik, gidoilari eta aktorea ere izan zen.
Gerraosteko gangsterren eta polizien inguruko filmak egiten nabarmendu zen bereziki Dassin, zinema beltza deritzona, eta bere lanen artean 1947ko Brute Force, 1948ko The Naked City eta 1949ko Thieves Highway dira ezagunenak. Bigarrena, The Naked City bi oscarrekin saritu zuten, gainera, argazkilaritza onenaren eta muntaketa onenaren sailetan.
Aipatu behar da, halaber, Hollywoodeko zerrenda beltzean sartu ere sartu zutela, 2008an, 96 urte zituela zendu zen zinegilea, komunismoarekin lotura zuelakoan. Bada, ibilbide guzti hori aztertuko dute gaur 18:00etatik aurrera Photomuseumen, esan bezala. Ohiko legez, doakoa izango da sarrera.