Hondartzako eskubaloia izango da datozen bi asteburuetako protagonista Desertu Txikian. Bihar eta etzi Txaparrotaneko haurren txapelketa jokatuko dute benjamin, kimu eta infantil mailako neska mutilek eta datorren asteko asteburuan helduek.
Hori horrela, asteburuko hitzordua prestatzeko azken egunotan Desertu Txikira gerturatu den haurren talderik izan da.Zehazki, 105 talde dira izena eman dutenak: 10 neska benjaminetan, 15 mutil benjaminetan, 18 neska kimuetan, 20 neska kimuetan, 22 neska infantiletan eta 20 mutil infantiletan.
Benjaminak izango dira haurren txapelketari hasiera emango diotenak eta 09:30ean egingo dute. Goizean nahiz arratsaldean jokatuko dituzte partidak, baina talde onenek solik lortuko dute iristea igande arratsaldean jokatuko diren finalaurreko eta finaletara.