Zarauzko itsas pasealekuak Halterofilia Txapelketa hartuko du asteburuan, ZKE Halterofiliak antolatuta. Zarautz Altxa! izenburupean aurkeztu dute txapelketa. Bertan, Zarauzko halterofiliako kideez gain, Iruñeko Anaitasuna taldeko hainbat kirolarik hartuko dute parte.
11:00etan emango diote hasiera kirol probari, eta antolatzaileek iragarri dutenez, eguraldi iragarpenen arabera aldaketak egon daitezke txapelketaren kokapenean. Ateri eusten badio, Zarauzko Damaren aurrean izango da, Mendilauta kalearen parean. Euria eginez gero, berriz, Aritzbatalde pilotalekura lekualdatuko da Zarautz Altxa!.