Aitor Frantzesena Gallo-ren bolada onak ez du etenik. Jokatzen duen nazioarteko txapelketa oro irabazten du azkenaldian, eta joan den ostiralean Puntarenas hiriko (Costa Rica) Boca Barranca hondartzan jokatutakoa ez zen salbuespena izan. 2023ko Adaptive Surfing Professionals World Championship Tour zirkuiturako puntuagarria zen proba eta lortutako graipenarekin bigarrena du jada. Hala, hirugarren eta azken txapelketaren faltan dagoeneko irabazi du zirkuitua matematikoki.
Gainera, hori ez da surflari zarauztarrak aurten irabazi duen munduko zirkuitu bakarra; izan ere, AMP Surf Surflari Anputatuen Elkarteak antolatutako zirkuitu paraleloan ere gailendu da. Bertan ere, hiru probatik bi irabazi ditu. Edonola ere, zirkuitu horretako finalak jokatzeke daude oriandik. Kaliforniak hartuko ditu urrian edo azaroan eta oraindik baieztatu gabe dago Huntington Beachen edo Pismo Beachen izango diren.