Emakumea Surflari egitasmoak udaberriko topaketa antolatu du gaur Zarautzen, eta hainbat ekintza nahiz ikastaro egin ditu goizetik eguerdira bitartean. Besteak beste, yoga, longboarda, waveskya eta bodyboarda eta jolasak egin dituzte, Munoa plazan. “Emakumeen ikusgaitasuna sustatzea, itsasoan ahalduntzeko tresnak eskaintzea eta emakumeen arteko saretzea bultzatzea" dute helburu egitasmoarekin.
Saretze horren barruan, bazkaria ere egingo dute Arrano Kabian, eta eguna borobiltzeko, musika izango dute Munoan bertan, 18:00etatik 22:00etara, Ginger, Rablondy eta DJ Anais taldeen eskutik.