Urtero bezala, Iñurritza Jai Batzordeak antolatuta, sanpelaioen atarikoa ospatuko dute auzoan festak baino astebete lehenago. Ez da aspertzeko betarik izango bertan, goizean goiztik hasiko dituztelako ekintzak.
11:30ean haurrentzako Mendi marrazki txokoa egingo dute frontoian, eta artisau azoka izango da. 12:30 aldera, berriz, txakolin dastaketa egingo dute. Arratsaldean, Jalgi dantza taldearen aurkezpena izango da, 17:30ean hasita; ZarautzTrik taldeak, Iratxe Aranburuak eta txistulariek hartuko dute parte.
18:30ean, elektrotxaranga izango da auzoko tabernetan Iñurritza Elkartearen parean hasita, eta, amaitzeko, kantu afaria egingo dute 22:00etan.
Sanpelaioen atarikoa ospatuko dute Iñurritzan
Larunbatean, ohi bezala, txakolin dastaketa, Jalgiren dantza erakustaldia, elektrotxaranga eta kantu afaria izango dute Iñurritza auzoan.
Zarautz Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide