Eusko Jaurlaritzako Osasun Sailak jakinarazi duenez, Zarauzko hondartzako uretan burututako kontroletan arautegiak ezartzen diren kalitate irizpideak ez dira betetzen. Hori horrela, oraingoz eta abisu berrira arte, bertan bainatzea debekatu dute.
Egoera horren aurrean, bandera gorria jarri dute hondartza osoan, eta ezingo da itsasoan bainatu Jaurlaritzak horretarako oniritzia berriro eman arte. Zarauzko Udalak arduraz jokatzeko eskatu die herritarrei eta une oro hondartzako sorospen zerbitzuaren jarraibideak betetzeko.