Emakumea Surflari egitasmoak Udaberriko Topaketa antolatu du datorren larunbaterako, ekainaren 17rako, Zarauzko hondartzan. "Gure arteko harremanak sendotzeko eta aurtengo udaberriko ikastaroak taldean ixteko elkargunea" izateko asmoz ospatuko dute egun osoko jardunaldia.
Horretarako, askotariko ekintzak prestatu dituzte, surfarekin zerikusi zuzena dutenak, baina baita emakumeen arteko bateratasuna sustatzen dutenak ere. Hala, ikastaro ezberdinez gain, lagunarteko bazkaria eta zuzeneko musika izango dute.
Topaketan parte hartu nahi dutenek emakumeasurflari.eus atarian eman dezakete izena; 25 euro balio du, bazkaria barne, eta 12 euro bazkaririk gabe
EGITARAUA
08:45-9:30. Yoga hondartzan.
09:50-10:50. Longboard ikastaroa,
11:00-12:00. Wavesky ikastaroa.
12:10-12:40. Bodyboard ikastaroa.
12:40-13:10. Bodyboard ikastaroa.
13:20-14:00. Jokoak.
14:30-17:00. Bazkaria Arrano Kabian eta sari banaketa.
18:00-22:00. Ginger talde/Rablondy + Ginger/DJ Anais