Urtero bezala, San Pelaio jaien atarian, Udaberri Jubilatuen Elkarteko ikastaroei amaiera emango diete, eta uda sasoian eten egingo dituzte ; ondoren, Euskal Jaiak igarota, berriro martxan jartzeko. Hala ere, aurten Fit-Zen eskainiko dute uztailean, Oihana Mendieta fitnesseko irakaslearen eskutik.
Astean zehar saio bat edo bi egingo dituzte, goizez, herriko paraje desberdinetan –malekoain adibidez–, eta ordu eta erdiko iraungo dute saio bakoitzak. Interesa dutenek Udaberriko bulegotik pasa beharko dute ekainaren 12tik 15era, eta, ondoren, izena ematen duten guztiekin bilera bat egingo dute guztia zehazteko.