Pagoeta Mendizale Elkarteak kurtso amaierako ibilaldia antolatu du Pirinioetara ekainaren 17 eta 18an. Antolatzaileek azaldu dutenez, "ekaineko egunik luzeneetan, asteburu zoragarri bat pasatzeko aukera aparta izango da bidaia".
Zehazki, bi txango antolatu dituzte. Lehenengoa, ekainaren 17koa, Lescundik Lizara izango da, eta ia 18 kilometroko ibilbidea egin beharko dute. Bigarrena, ekainaren 18koa, Linzatik Isabara egingo dute, eta 15 kilometro inguruko ibilaldia izango da. Irteera goizeko 06:00etan izango da, Agoueseko biribilgunetik.
Izena eman nahi duenak elkartearen egoitzara gerturatu beharko du hurrengo ostegunean, 20:00etatik 21:00etara, edo pagoetame@gmail.com helbidera idatzi, norberaren datuak eta ordainagiria erantsita.