Ez da horren sinplea da Jexuxmai Lopetegi musikari zarauztarraren azken diskoa, eta bihar arratsaldean zuzenean aurkeztuko du jendaurrean. Emanaldi berezia izango da, dozena bat musikari baino gehiago bilduko dituelako oholtza gainean. Dena den, hori ez da biharkoa hitzordua berezia egiten duen arrazoi bakarra; izan ere, bolada batez joko duen azken kontzertua izango du Lopetegik.
20:00etan hasiko da azken emanaldi hori Modelo aretoan eta Juan Ramon Markaide Aranak eta Ane Belategi Lopez de Aretxagak zuzenean ikusteko aukera izango dute, beraiek izan baitira Zarauzko Hitzak zozkatutako bi sarrera bikoitzak irabazi dituztenak. Zarauzko Udaleko Kultura sailak emandako sarrerak dira.
Bada, hedabide honen zozketekin lotuta, oraindik eman daiteke izena igandeko Munduari itzulia 80 egunetan haur antzerkirako sarreren zozketarako. Oraingoan ere udalak emandako bi sarrera bikoitz izango dira Zarauzko Hitzak zozkatuko dituenak eta bihar eguerdia arte inskribatu ahalko dute interesdunek esteka honetan. Glu-Glu Produkzioak taldeak igandean, 16:45ean, eskainiko du emanaldia Modelo aretoan.