Zarauzko Merkatua Bizirik elkarteak Merkatu Plazako postu itxien eta baserritarren arteko elkarlana bultzatu eta erosleei aukera berriak eskaini asmo dien kanpaina jarri du martxan: Jaso bostekoa. Zehazki, 5 euroko laguntza bonuak banatuko dituzte baserritarren postuetan gastatzeko postu itxietan, hau da, harategi, arrandegi eta bestelakoetan 25 eurotik gorako erosketa egiten duten bezeroen artean.
Kanpaina dagoeneko abian da eta bonuak agortutakoan amaituko da. Horren harira, Merkatua Bizirik elkarteak jakinarazi du mila direla guztira ahalbidetuko dituzten bonuak. Aintzat hartu beharreko bestea da hamabost eguneko epean gastatu beharko dituztela bonuak bezeroek.