Egiptoko jatorria duen Tarik Saleh zinegile suediarraren azken lana da Conspiracion en El Cairo; nolabait ere, En nombre de la rosa gogoratzen duen thriller bat da, baina Islamaren epizentroan.
Adam, arrantzale baten seme apala, Kairoko Al-Azhar unibertsitate ospetsuan sartzen
da, islam sunitaren boterearen erdigunean. Eskolak hasten diren egunean, erakundea
zuzentzen duen Iman Handia bat-batean hiltzen da. Jabetu gabe, Adam herrialdeko elite erlijioso eta politikoen arteko botere-borroka gupidagabearen erdian dago.
Filma saio originalaren barruan izango da ikusgai gaur, 19:30ean, Modelo aretoan. Jatorrizko hizkuntzan emango dute, arabiarrez, gaztelaniazko azpitituluekin.