Zarauzko Udalak bihar zabalduko du izen ematea udan Aritzbatalde kiroldegian eskainiko dituen kirol ikastaroetan parte hartzeko. Zentzu horretan, udaleko Kirol departamentuak adierazi du haurrei, gazteei nahiz helduei zuzenduriko aukera zabala izango dela. Hala nola, Kirol Txokoa, Gaztefit, igeriketa edota areto ikastaroak. Edonola ere, esteka honetan dago ikusgai udalaren udako kirol eskaintza osorik.
Esan bezala, bihartik eman ahalko dute izena ikastaroetan parte hartzeko interesa dutenek eta bi bide izango dituzte horretarako: Udalaren webgunea inskripzioak online egiteko eta Aritzbataldeko harrera aurrez aurre egiteko. Edozein zalantza izanez gero, kirola@zarautz.eus helbidera mezua idatzi edo 943-00 51 23 telefono zenbakira deitu dezakete herritarrek.