Eulen-Nuuk txirrindularitza taldeko gizonezkoek bi proba garrantzitsu izango dituzte asteburuan: Batetik, Lazkaoko LXXX. proba jokatuko dute bihar, eta, bestetik, Espainiako Koparako puntuagarria den lasterketa Legazpin, astelehenean.
Lazkaoko hitzorduari dagokionez, 130 kilometroko ibilbidea egingo dute 09:30ean abiatuta. Helmuga arteko bidean, gainera, Larraitz eta Lazkaomendi igo beharko dituzte birritan eta Olaberria eta Gaintza beste behin. Luzea izango da Legazpiko proba, zeren eta, 168 kilometro egingo dituzte guztira 09:00etan hasita.
Emakumezkoei erreparatuta, bolada onean jarraitzen du talde sortu berriak; izan ere, Paula Suarezek garaipena lortu zuen Menako Haranean. Horrez gain, Ainhoa Usandizagak seigarren helmugaratzea lortu zuen.