Orio eta Zarauzko lau gaztek osatzen dute Ithaka, eta izen bereko lana dute argitaratuta. Noraezean dabilen belaunaldiaren garrasiak eta melodiak islatzen dituzte beraien musikan. Era berean, Hitzekin jolasean diskoa aurkeztuko du Esti Markezek Modelo aretoan. Musika guztia berak sortua da, baita letra gehienak ere. Pop-rock doinuak izango dira nagusi, estilo anitzekin jolasean ibiliko bada ere. Kontzertua gaur izango da, 20:00etik aurrera.
Emanaldia ikusteko Zarauzko Hitzak bi sarrera bikoitz zozkatuko ditu irakurleen artean, eta ondorengo herritarrak izan dira saridunak: Agurtzane Aduriz eta Edurne Urbieta.