Mireia Lizundia artista zarauztarraren margolanak jarri dituzte erakusgai Ipar kaleko Lukas ardotegian, eta bertaratzen direnek hilabetez ikusteko aukera izango dute. Honakoa ez da margolariak herrian erakusten duen lehen aldia; duela urtebete pasatxo Arkami galeriako hormetan zintzilikatu zituen bere koadroak.
Babeslekuak izenburupean aurkeztu zuen erakusketa hura, eta sortzaileak bere barne ezinegonei beste perpektiba batetik begiratzeko bitarteko gisa egindako koadroak bildu zituen. Oraingo honetan ere abstrakziora jo du, margolan iradokitzaileak paratuz.