Donostiako Bera Bera eskubaloi taldeak Erreginaren Kopa irabazi zuen atzo Malagan jokatutako finalean Granollers (Bartzelona, Katalunia) 31-25 menderatuta. Hala, Bera Berak zazpigarrenez irabazi du aipatu txapelketa eta horietatik bostetan Alba Menendez jokalari zarauztarra izan da tartean.
Hain justu, Menendez izan zen kopa altxatu zuena taldeko kapitain gisa, eta azken honekin, hogei titulu irabazi ditu Menendezek Bera Berarekin. 2009an iritsi zen taldera.