Gertakariak atzo 14:30ak aldera izan zirela azaldu du Ertzaintzak ohar baten bidez. Ordu horretan, ertzainek moto bateko gidaria geldiarazi zuten "arau-hauste administratibo bat" egiteagatik. Oharrean jasotzen denez, agenteek marihuana usaina sumatu zioten gidariari eta behin miaketa eginda "landare-substantzia berde bat" aurkitu zioten motxilan. Ustezko drogak 500 gramo inguruko pisua zuela dio Ertzaintzak. Horrekin batera, mila euro inguru ere aurkitu zioten.
Hala, ustezko droga-trafiko delitu bat egotzita atxilotu zuten 28 urtezko gizonezkoa. Ertzain-etxera eraman ondoren, Azpeitiko Guardiako Epaitegiaren esku utzi dute gaur.