Zarauzko KZguneak prest du maiatzerako eskaintza, eta ikastaroetan izena eman nahi dutenek horretarako aukera zabalik dute jada.
Izena emateko modu bat baino gehiago dago. Batetik, KZgunera bertara joan daiteke. Gaur-gaurkoz, KZgunera aldez aurretik hitzordua eskatuta bakarrik joan daiteke, zentroko telefonora deituta (943-02 36 87) edo webgunean hitzordua hartuta.
Ikastaroan izena telefono bidez emateko, derrigorrezkoa da KZguneko erabiltzailea izatea. Webgunean eman daiteke erabiltzaile izateko izena.
KZgunean edo ikastaroetan izena emateko laguntza behar dutenek ondoko bideotutorialak kontsulta ditzakete, KZgunean izena emateko nahiz ikastaro batean webgunearen bidez izena emateko.
Zarauzko KZgunea (Zigordia kalea, 34), astelehenetik ostiralera egoten da irekita, 09:00etatik 13:00etara eta 16:00etatik 20:00etara.