Apirilaren 9an, igandez, ospatuko da Aberri Eguna. Zarauzko EAJk ekitaldi batzuk antolatu ditu egun honi lotuta.
Hasteko, goizeko 10:30ean zendutako alderdikideen aldeko meza egingo da Andre Maria Zeruratzea parroki elizan. Ondoren, Batzokian, hamaiketakoa eskainiko zaie alderdikideen eta bertaratuko diren guztiei. Jarraian, 13:30ak aldera, Gora ta Gora Euskadi abesteko elkartuko dira ikurrinaren aurrean.
Egunari lotuta, beraien etxeetako balkoietan ikurrina zintzilikatzera gonbidatzen diete abertzale guztiei.