Abadiñon (Bizkaia) izan ziren igandean Zarauzko Eulen-Nuuk txirrindularitza taldeko kide Paula Suarez eta Ainhoa Usandizaga. Berria Sarirako proba puntuagarrian lan handia egin zuen Suarezek, eta bakarrik heldu zen helmugara BTT bizikletaren gainean; bigarren sailkatuari bi minutu eta erdiko aldea atera zion. Usandizaga aiarra, berriz, bosgarren postuan heldu zen. Suarez da Berria Sariko liderra.
Larunbatean Euskaldun Sariko proba jokatu zen Zornotzan (Bizkaia). Iñigo Eizagirre zarauztarra hamaikagarren postuan heldu zen.
Igandean, aldiz, Valenciagaren oroimenezko txirrindularitza proba jokatu zen Eibarren. Euripean jokatu zen proba eta horrek eragina izan zuen Zarauzko taldean. Errepidearen egoera txarragatik talde osoak erorikoa izan zuen. Esparza eta 18 urteko Ospital izan ziren erorikoagarik salbatu ziren bakarrak: lehenak 18. postuan bukatu zuen lasterketa eta bigarrenak 120.