Gabiriako Aztiria auzoan jokatu zen larunbatean Aztiria Bat bertsolaritza saria. Osinalde Sariko hirugarren kanporaketa den txapelketa hau irabazi zuen Aner Euzkitze bertsolari zarauztarrak. Ondorioz, bera eta Aztiria Bat elkartean jokatu zen saioan bigarren geratutako Irati Alcantarilla sailkatu dira Osinalde Sariko finalera.
Hala, hiru kanporaketak jokatu ondoren, dagoeneko erabakita geratu da zer sei bertsolarik jokatuko duten apirilaren 15ean, Gabirian, Osinalde Sariko finala. Oihana Arana, Xabat Illarregi eta Aner Euzkitze beraien kanporaketak irabazita sailkatu dira finalera; Irati Alcantarilla, Lander Arizmendi eta Unai Izagirre, berriz, kanporaketa horietan bigarren geratu eta gero.